کیا‌مذاق‌میں‌جھوٹ‌بولنے‌والا‌بھی‌منافق‌میں‌شمار‌ہوگا؟

سوال:۔

منافق کی تین نشانیاں ہیں: ۱:۔وعدہ کرے تو وعدہ خلافی کرے۔ ۲:۔بات کرے تو جھوٹ بولے۔ ۳:۔امانت میں خیانت کرے۔

اگر کوئی کبھی مذاق میں بھی جھوٹ بولے، مگر اس کے جھوٹ سے کسی کو نقصان نہ پہنچے، اور اگر کوئی بندہ کسی کے سامنے اس کی بُرائی نہ کرے، مگر پیچھے بُرائی کرے، تو کیا وہ بھی منافق ہوگا؟ وضاحت فرمادیں۔

جواب:۔

مذاق میں جھوٹ بولنا بھی جائز نہیں،(۱) یہ منافق کی علامت میں شمار ہوگا۔ اور جو شخص اس کی پس پشت بُرائی کرتا ہے، وہ غیبت کرنے والا شمار ہوگا، اور آنحضرت صلی اللہ علیہ وسلم کا فرمان ہے کہ غیبت زنا سے بھی زیادہ سخت ہے۔(۲)