خرید‌و‌فروخت‌اور‌محنت‌مزدوری‌کے‌اُصول‌اور‌ضابطے

کسی‌کو‌لاکھ‌کی‌گاڑی‌دِلواکر‌ڈیڑھ‌لاکھ‌لینا

سوال:۔

میرے کچھ دوست زرعی اجناس کے علاوہ کاروں کا، ٹرکوں کا کاروبار بھی کچھ اس طرح کرتے ہیں کہ کسی پارٹی کو وہ ایک کار خرید کر دیتے ہیں، اور یہ طے کرتے ہیں کہ ’’اس ایک لاکھ کی رقم پر جس سے کار دِلوائی گئی ہے، اس پر مزید ۵۰ہزار روپے زیادہ وصول کروں گا‘‘ اس کے لئے وقت کم و بیش سال یا ڈیڑھ سال مقرّر کرتے ہیں، اور میرے خیال میں جو لوگ سود کا کاروبار کرتے ہیں وہ بھی رقم پر سود اور اس کی واپسی پہلے طے کرتے ہیں۔

جواب:۔

اگر ایک لاکھ کی خود کار خرید لی اور سال ڈیڑھ سال اُدھار پر ڈیڑھ لاکھ کی کسی کو فروخت کردی تو جائز ہے۔(۱) اور اگر کار خریدنے کے خواہشمند کو ایک لاکھ روپے قرض دے دئیے اور یہ کہا کہ: ’’ڈیڑھ سال بعد ایک لاکھ پر پچاس ہزار زیادہ وصول کروں گا‘‘ تو یہ سود ہے اور قطعی حرام ہے۔(۲)

(۱) لأن للأجل شبھًا بالمبیع الَا تریٰ أنہ یزاد فی الثمن لأجل الأجل۔ (ھدایۃ ج:۳ ص:۷۶ باب المرابحۃ والتولیۃ، طبع شرکت علمیہ)۔ وفی البحر الرائق ج:۶ ص:۱۲۴، ۱۲۵ باب المرابحۃ (طبع دار المعرفۃ): لأن للأجل شبھًا بالبیع ألَا تریٰ انہ یزاد فی الثمن لأجل الأجل ۔۔۔ الأجل فی نفسہٖ لیس بمال ولَا یقابلہ شیء حقیقۃ إذا لم یشرط زیادۃ الثمن بمقابلتہ قصدًا، ویزاد فی الثمن لأجلہ إذا ذکر الأجل بمقابلتہ زیادۃ الثمن قصدًا، فاعتبر مالًا فی المرابحۃ إحترازًا عن شبھۃ الخیانۃ ولم یعتبر ولَا فی حق الرجوع عملًا بالحقیقۃ۔ وفی المبسوط للسرخسی ج:۱۳ ص:۹ باب البیوع الفاسدۃ: وإذا عقد العاقد علٰی أنہ إلٰی أجل کذا بکذا، وبالنقد بکذا، أو قال: إلٰی شھر بکذا، أو إلٰی شھرین بکذا، فھو فاسد، لأنہ لم یعاطہ علٰی ثمن معلوم، ونھی النبی صلی اللہ علیہ وسلم من شرطین فی بیع ۔۔۔ وھٰذا إذا افترقا علٰی ھٰذا، فإن کان یتراضیان بینھما ولم یفرقا حتّٰی قاطعہ علٰی ثمن معلوم وإنما العقد علیہ فھو جائز۔
(۲) عن علیّ أمیر المؤمنین مرفوعًا: کل قرض جر منفعۃ فھو ربًا۔ وقال فی الشرح: وکل قرض شرط فیہ الزیادۃ فھو حرام بلا خلاف۔ (إعلاء السُّنن ج:۱۴ ص:۵۱۲، طبع إدارۃ القرآن، أیضًا فیض القدیر ج:۹ ص:۴۴۸۷، طبع بیروت)۔