سوتیلی‌ماں‌سے‌نکاح‌کرنے‌والے‌کی‌شرعی‌حیثیت

سوال:۔

ہمارے علاقے میں ایک شخص احمد بخش مغل رہتا ہے، جو نماز بھی باقاعدگی سے پڑھتا ہے، اپنے والد کے فوت ہونے کے بعد اپنی سوتیلی ماں (جو اس کی عمر سے تقریباً چار سال بڑی ہے) سے نکاح کرلیا، کوئی نہیں جانتا کہ یہ نکاح کہاں ہوا؟ ان لوگوں نے مشہور کردیا کہ ہم میاں بیوی ہیں، جبکہ احمد کے والد سے اس عورت کے سات بچے بھی ہوئے، جو موجود ہیں، بڑے بچے اس شخص کو ’’بھائی‘‘ اور چھوٹے بچے ’’ابو‘‘ کہہ کر پکارتے ہیں۔ شناختی کارڈ فارم میں ابھی تک ماں بیٹا لکھا ہوا ہے، اس واقعے کو دس سال کا عرصہ گزرچکا ہے۔ یہ سوال ایک عرصے سے لوگوں کے ذہنوں میں گردش کر رہے ہیں، متعدّد بار اس بارے میں معلوم کیا گیا، مگر کوئی تسلی بخش جواب نہ مل سکا۔ اب یہ سوال آپ کی خدمت میں پیش کر رہا ہوں، اس اُمید پر کہ آپ اس مسئلے کو صحیح طریقے سے واضح بیان کریں گے۔

۱:۔ آیا ان کا یہ رشتہ صحیح ہے یا غلط؟ اور ان کی دِینِ اسلام میں کیا حیثیت ہے؟

جواب:۔

یہ رشتہ جائز نہیں، یہ دونوں واجب القتل ہیں، اگر اِسلامی حکومت ہوتی تو ان کو قتل کرادیتی۔(۱)

۲:۔ کیا ان لوگوں کے ساتھ میل جول، کھانا پینا جائز ہے؟

جواب:۔

ہرگز جائز نہیں۔(۲)

۳:۔ قرآن وحدیث کی روشنی میں ان کا کیا مقام ہے؟

جواب:۔

باپ کی منکوحہ کے ساتھ نکاح کا حرام ہونا قرآنِ کریم میں ذِکر کیا گیا ہے،(۳) اس کو جائز سمجھنے والا مرتد اور واجب القتل ہے۔(۴)