رُخصتی‌میں‌تأخیر‌کا‌وَبال‌کس‌پر‌ہوگا؟

سوال:۔

اگر کسی لڑکی کا نکاح کردیا جائے اور اس کو رُخصتی کے اِنتظار میں تین سال تک گھر میں بٹھائے رکھا جائے تو شرعی قانون کے تحت کہاں تک جائز ہے؟ جبکہ شرعی طور پر اور دُنیاوی قانون کے تحت کوئی مجبوری بھی نہ ہو، محض یہ بہانہ بنایا جائے کہ ہم چونکہ دُھوم دھام سے رُخصتی کرانے کا اِرادہ رکھتے ہیں، اس لئے رقم حاصل ہوگی تب رُخصتی کریں گے۔ مزید یہ بھی بتائیے گا کہ نکاح کے بعد کتنے عرصے میں رُخصتی کروادینی چاہئے؟

جواب:۔

رُخصتی کے لئے کوئی وقت مقرّر نہیں کیا گیا، لیکن نکاح کے بعد رُخصتی میں بلاوجہ تأخیر نہیں ہونی چاہئے۔(۱) اور شادی یا رُخصتی میں دُھوم دھام کرنا، ناجائز ہے، اور یہ بہت سے محرّمات کا مجموعہ ہے، اس سے توبہ کرنی چاہئے۔(۲)

عن أبی سعید وابن عباس قالَا: قال رسول اللہ صلی اللہ علیہ وسلم: من ولد لہ ولد فیحسن اسمہ وادبہ فإذا بلغ فلیزوّجہ، فإن بلغ ولم یزوّجہ فأصاب إثمًا فإنما إثمہٗ علٰی أبیہ۔ (مشکوٰۃ ص:۲۷۱)۔