کیا‌حجِ‌بدل‌اِفراد‌ہی‌کیا‌جاسکتا‌ہے؟

سوال:۔

میں نے سنا ہے کہ حجِ بدل صرف ’’اِفراد‘‘ ہی کیا جاسکتا ہے، کیا یہ صحیح ہے؟

میں نے اور میرے بھائی نے حجِ بدل کیا ہے، ہمارے تایا صاحب تھے، ان کی وفات کے بعد میں نے ان کے لئے حج کیا، ان پر حج فرض نہیں تھا، انہوں نے نہ عمرہ کیا تھا، اور نہ وصیت کی تھی، میں نے اپنی طرف سے حج کیا اور وہ بھی قران۔

والدہ صاحبہ نے اپنی زندگی میں کئی حج کئے تھے، ان کی وفات کے بعد ہم نے ان کے لئے حج کیا، بغیر ان کی وصیت کے، اور قران کیا۔ یاد رہے کہ ہم اپنا حج پہلے کرچکے ہیں، کیا ہمارا حج ان کے لئے ہوگیا؟ جواب ضرور مرحمت فرمائیں۔

جواب:۔

آپ نے تایا کی جانب سے اور والدہ کی جانب سے جو حجِ بدل کیا وہ صحیح ہے، کیونکہ ان دونوں پر حج فرض نہیں تھا، گویا یہ نفلی حج ہوا، اور نفلی حج کے لئے وہ شرائط نہیں جو حجِ بدل کے لئے ضروری ہیں۔(۱)