قابلِ‌فروخت‌مال‌اور‌نفع‌دونوں‌پر‌زکوٰۃ‌واجب‌ہے

سوال:۔

مجھے دُکان چلاتے ہوئے تقریباً ۳ سال ہوگئے ہیں، دُکان کھولے تو زیادہ عرصہ ہوگیا ہے، لیکن پہلے بچوں کا سامان وغیرہ تھا، میرا سوال یہ ہے میں نے زکوٰۃ کبھی نہیں دی، آپ مجھے بتلائیے کہ میں کس طرح سے زکوٰۃ دوں؟ دُکان کے پورے مال پر زکوٰۃ ہے یا اس سے جو سالانہ منافع ہوتا ہے؟ اور اس سے پہلے جو میں نے زکوٰۃ نہیں دی، اس کا کیا کروں؟ کیونکہ میرے والد صاحب کا حج کا بھی فارم بھروادیا ہے، اس میں میں نے بھی کچھ رقم دی ہے۔

جواب:۔

آپ کی دُکان میں جتنا قابلِ فروخت سامان ہے، اس کا حساب لگاکر اور منافع جوڑ کر سال کے سال زکوٰۃ دیا کیجئے، اور اس کے ساتھ گھر میں جو قابلِ زکوٰۃ چیز ہو، اس کی زکوٰۃ بھی اس کے ساتھ ادا کردیا کیجئے۔(۱) گزشتہ سالوں کی زکوٰۃ بھی آپ کے ذمہ واجب الادا ہے، اس کو بھی حساب کرکے ادا کیجئے۔(۲) سال کے اندر جو رقم گھر کے مصارف اور دیگر ضروریات میں خرچ ہوجاتی ہے، اس پر زکوٰۃ نہیں۔(۳)

ومن کان لہ نصاب فاستفاد فی أثناء الحول مالًا من جنسہ ضمہ إلٰی مالہ وزکاہ سواء کان المستفاد من نمائہ أو لَا وبأی وجہ استفاد ضمہ سواء کان بمیراث أو ھبۃ أو غیر ذٰلک۔ (الجوھرۃ النیرۃ ج:۱ ص:۱۲۳، کتاب الزکاۃ، وأیضًا فی الفتاوی الھندیۃ ج:۱ ص:۱۷۵، کتاب الزکاۃ، الباب الأوّل فی تفسیرھا)۔