عورت‌پر‌زیور‌کی‌زکوٰۃ

سوال:۔

آپ نے اپنے کالم میں ایک صاحب کو ان کی بیوی کے زیورات پر زکوٰۃ کی ادائیگی ان کی بیوی کی ذمہ داری بتائی ہے۔ عرض یہ ہے کہ عورت تو شوہر پر انحصار کرتی ہے، اس کی تمام تر ذمہ داری شوہر پر ہوتی ہے، عورت کی کفالت تو مرد کرتا ہے، تو کیا ان زیورات پر جو عورت کو جہیز میں یا تحفے میں ملے ہیں، ان پر زکوٰۃ کی ذمہ داری شوہر پر نہیں ہے؟ اگر نہیں ہے تو پھر عورت کو کیا کرنا چاہئے کہ عورت زکوٰۃ ادا کرسکے؟

جواب:۔

زکوٰۃ جن زیورات پر فرض ہو، وہ اگر عورت کی ملکیت ہے تو ظاہر ہے کہ زکوٰۃ مالک ہی پر فرض ہوگی، اور زکوٰۃ ادا کرنے کی ذمہ داری بھی مالک ہی پر ہوگی۔ شوہر اگر اس کے کہنے پر زکوٰۃ ادا کرے تو ادا ہوجائے گی، ورنہ عورت پر لازم ہے کہ زکوٰۃ میں ان زیورات کا حصہ بقدرِ زکوٰۃ نکال دیا کرے۔(۱)

ولو کان لہ إبریق فضۃ، وزنہ مائتان وقیمتہ لصاینہ ثلث مائۃ إن أدی من العین یؤدی ربع عشرہ، وھو خمسۃ قیمتھا سبعۃ ونصف، وإن أدی خمسۃً، قیمتھا خمسۃ، جاز، ولو أدی من خلاف جنسہ یعتبر القیمۃ إجماعًا۔ (فتاویٰ عالمگیری ج:۱ ص:۱۷۹، کتاب الزکاۃ، الفصل الأوّل فی زکاۃ الذھب والفضۃ، طبع رشیدیہ)۔