مسجد میں مخصوص کام کے لئے دی گئی رقم کا دُوسری مد میں اِستعمال کرنا

سوال:۔

اگر کوئی شخص مسجد کے صحن کے فرش کو سنگِ مرمر سے بنوانے کے لئے چندہ دیتا ہے تو کیا اِنتظامیہ کو یہ حق حاصل ہے کہ وہ اس رقم کو دیگر مصارف پر خرچ کرے؟

جواب:۔

اگر چندہ فرش لگانے کے لئے دِیا اور دُوسری ضروریات میں خرچ کرنے سے منع کیا، تو اس کا چندہ فرش میں ہی لگانا چاہئے، اس کی رضامندی کے بغیر اِنتظامیہ کو دُوسری جگہ خرچ کرنے کا حق نہیں۔(۱)

ایک حدیث میں حضور صلی اللہ علیہ وسلم کا اِرشادِ گرامی ہے کہ جو شخص یہ چاہے کہ سب سے زیادہ قوی ہو، وہ اللہ پر توکل کرلے،(۲) اور جو یہ چاہے کہ سب سے زیادہ غنی ہو، اس کو چاہئے کہ جو چیز اللہ کے پاس ہے اس پر اس سے زیادہ اِعتماد رکھے، جتنا اپنے پاس کی چیز پر ہوتا ہے۔(۳)