صابئین کے متعلق شرعی حکم کیا ہے؟

سوال:۔

سورۃ البقرہ کی آیت:۶۲ میں نصاریٰ اور صابئین کی بابت جو بیان کیا گیا ہے ذرا وضاحت فرمادیجئے، کیا یہ لوگ بھی جنت میں جاسکیں گے؟

جواب:۔

ان میں سے جو لوگ اسلام لے آئیں وہ جنت میں جائیں گے، اسلام لائے بغیر جنت میں نہیں جائیں گے۔(۱)

نوٹ:۔ صابئین صابی کی جمع ہے اور ’’صابی‘‘ لغت میں اس کو کہتے ہیں جو ایک دِین کو چھوڑ کر دُوسرے دِین میں داخل ہوجائے، لہٰذا صابی وہ لوگ تھے جو اَہلِ کتاب کے دِین سے نکل گئے تھے۔ قتادہؒ فرماتے ہیں کہ: صابی وہ لوگ تھے جنھوں نے اَدیانِ سماویہ میں سے ہر ایک سے کچھ نہ کچھ لے لیا، چنانچہ وہ زَبور پڑھتے تھے، ملائکہ کی عبادت کرتے تھے اور نماز کعبۃ اللہ کی طرف منہ کرکے پڑھا کرتے تھے۔(۲)